“Шүгэл” ажиллагааг хэрэгжүүлэх Ажлын хэсэг Сэлх орчимд ажиллажээ

“Шүгэл” ажиллагааг хэрэгжүүлэх ажлын хэсэг иргэдийн гомдол, мэдээллийн дагуу СБД-ийн 20-р хороо Сэлх орчмын зуслангийн бүсэд ажиллажээ.

Ажлын хэсгийн ахлагч, ХЗДХ-ийн дэд сайд Б.Солонгоо Нийслэлийн Байгаль орчны газар , Экологийн Цагдаагийн Алба зэрэг холбогдох байгууллагын албан тушаалтнуудын хамт ойн сан бүхий газар хууль бусаар газар олгосон, байшин барилга барьж, хашаа хайс татсан зөрчил бүхий газруудад ажилласан байна.

Бага отогтын, Нурамтын, Их хустайн, Улаанчулуутын амны нөхцөл байдалтай танилцжээ. “Бид Туул голынхон” ТББ-аас дээрх гомдлыг “Шүгэл” ажиллагааг хэрэгжүүлэх ажлын хэсэгт ирүүлсэн байна.