НӨАТ-ын буцаан олголтыг 5 хувь болгох өргөдлийг Байнгын хороо хэлэлцэнэ
Өнөөдөр УИХ-ын хоёр Байнгын хороо хуралдаж, чуулганы хуралдаанаар хэлэлцэх асуудлуудад санал дүгнэлтээ гаргана. Төсвийн байнгын хорооны хуралдаанаар 2024 оны төсөв болон 100 мянган иргэний дэмжлэг авсан НӨАТ-ын буцаан олголтыг 5 хувь болгох асуудлыг 10:00 цагт хэлэлцэж байна.
Тодруулбал,
- Монгол Улсын 2024 оны төсвийн тухай, Нийгмийн даатгалын сангийн 2024 оны төсвийн тухай, Эрүүл мэндийн даатгалын сангийн 2024 оны төсвийн тухай хуулийн төслүүдтэй хамт өргөн мэдүүлсэн хууль, тогтоолын төслүүд /Засгийн газар 2023.09.29-ний өдөр өргөн мэдүүлсэн, анхны хэлэлцүүлэг
- Монгол Улсын 2024 оны төсвийн тухай, Нийгмийн даатгалын сангийн 2024 оны төсвийн тухай, Эрүүл мэндийн даатгалын сангийн 2024 оны төсвийн тухай хуулийн төслүүд /Засгийн газар 2023.09.29-ний өдөр өргөн мэдүүлсэн, хоёр дахь хэлэлцүүлэг/
- Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2023.09.29-ний өдөр өргөн мэдүүлсэн, анхны хэлэлцүүлэг/
- Байнгын хорооны тогтоолын төсөл /Төсвийн тогтвортой байдлын зөвлөлийн гишүүн сонгон шалгаруулах үүрэг бүхий ажлын хэсэг байгуулах тухай/
- Байнгын хорооны тогтоолын төсөл /Төсвийн тогтвортой байдлын зөвлөлийн дүрэмд нэмэлт, өөрчлөлт оруулах санал бэлтгэх үүрэг бүхий ажлын хэсэг байгуулах тухай/
- “Төсвийн тогтвортой байдлын зөвлөлийн дарга, гишүүдийн цалинг тогтоох тухай” Улсын Их Хурлын тогтоолын төсөл
- Хууль тогтооомжид заасан шаардлагыг хангаж, 100 000 гаруй иргэнээс ирүүлсэн “Нэмэгдсэн өртгийн албан татварын буцаан олголтын 2 хувийг 5 хувь болгож нэмэгдүүлэх” талаарх нийтийн өргөдлийг хэлэлцэх юм.
Түүнчлэн Ёс зүй, сахилга хариуцлагын байнгын хорооны хуралдаанаар Засгийн газарт чиглэл өгөх Байнгын хорооны тогтоолын төслийг хэлэлцэх юм.
