Машинаасаа хог хаясан жолоочийг цагдаагаас шалгаж эхэлжээ

Өнөөдөр буюу хоёрдугаар сарын 22-нд цахим орчинд нэгэн иргэн автомашинаасаа ууттай хог гаргаж, зам дээр хаяж буй бичлэг цацагдаж, олны бухимдлыг төрүүлээд байгаа билээ.

Тэгвэл тухайн иргэний энэ үйлдлийг хуулийн байгууллагаас шалгаж эхэлсэн байна. Хог хаягдлаа зориулалтын бус газар хаях, усны сан бүхий газар автомашинаа угаасан зөрчил үйлдвэл Зөрчлийн тухай хуулиар торгууль ногдуулдаг талаар Тээврийн цагдаагийн албанаас мэдээлжээ.