3х3 сагсан бөмбөгийн олимпын эрхийн олгох гурав дахь тэмцээн энэ сарын 16-21-нд Унгарт болно. 

Олон Улсын Сагсан Бөмбөгийн Холбоо (FIBA)-ны чансаагаар 2023 оны арваннэгдүгээр сарын 1-нд эхний 14-16-д бичигдсэн багууд олимпын эрхийн төлөөх тэмцээнд өрсөлдөх эрхээ авсан юм. Түүнчлэн зохион байгуулагч Унгар болон олимп зохион байгуулагч Францын эрэгтэй шигшээ баг өрсөлдөнө.

FIBA

Ямар багууд оролцох вэ?

• Эмэгтэй: Унгар, Египет, Тунис, Канад, Чили, Япон, Монгол, Герман, Испани, Нидерланд, Литва, Азербайжан, Польш, Чех, Итали, Израиль
• Эрэгтэй: Унгар, Египет, Мадагаскар, Пуэрто Рико, Канад, Монгол, Япон, Франц, Литва, Нидерланд, Латви, Бельги, Австри, Швейцар, Герман Польш

Хэсгийн шат

Эрэгтэй 16, эмэгтэй 16 баг дөрвөн хэсэгт хуваагдаж өрсөлдөнө. Хэсгийн шатанд эхний хоёрт орсон баг нь шөвгийн наймд шалгарч, хасагдах журмаар өрсөлдөх юм. Хагас шигшээд шалгарсан дөрвөн багийн ялсан хоёр нь олимпын эрхээ авч, алтан медалийн төлөө өрсөлдөх бол хожигдсон хоёр баг нь олимпын эрх, хүрлийн төлөө хүч сорих аж.

FIBA-гийн албан ёсны сайтад манай тамирчин А.Анандыг онцлох тоглогчоор нэрлэжээ.

Монголын шигшээ багийн бүрэлдэхүүн:

FIBA

Эрэгтэй баг: А.Ананд, Д.Дэлгэрням, Э.Дөлгөөн, О.Энхбаатар

FIBA

Эмэгтэй баг: Б.Ариунцэцэг, М.Булбул, О.Хулан, Ц.Болорцэцэг

Хуваарь

Тавдугаар сарын 17-нд:

Эрэгтэй:

21:40 цагт: Монгол – Польш

23:55 цагт: Монгол – Бельги

Тавдугаар сарын 18-нд:

Эмэгтэй:

00:30 цагт: Испани – Монгол

02:20 цагт: Монгол – Египет

Эрэгтэй:

15:40 цагт: Франц – Монгол

19:10 цагт: Монгол – Египет

Тавдугаар сарын 19-нд 

Эмэгтэй:

00:30 цагт: Япон – Монгол

Эрэгтэй:

01:45 цагт: Япон – Монгол

Шөвгийн наймын тоглолт болно.

Тавдугаар сарын 20-нд

Хагас шигшээ болон хүрлийн төлөөх тоглолт болно.

Тавдугаар сарын 21-нд

Шигшээ тоглолт