Билли Айлиш Vogue сэтгүүлийн нүүрийг чимлээ

Өнгөрсөн сард шаргал үстэй болон гадаад төрхөө огцом өөрчилсөн 19 настай Грэммигийн шагналт дуучин маань Vogue сэтгүүлийн нүрийг чимж, хуучний загвартай хувцаснуудаар гангарчээ.

Өнгөрсөн хугацаанд уран бүтээл бүр дээрээ халхагар цамц, богино ханцуйтууд өмсөж, эрэгтэй хүнийх шиг загвартай богино өмднүүд өмслдөг байсан жаахан охин энэ удаад өөрийгөө том болсон эмэгтэй хүн гэдгийг бусдад мэдэгдэхийг хүссэн бололтой.

Энэ зуны дундуур шинэ цомгоо цацах гэж байгаа тэрээр аль хэдийн уг цомгийнхоо соло дуунуудыг эхнээс нь олны хүртээл болгоод эхэлсэн. Шинээр гаргах гэж буй “Happier Than Never” цомог нь түүний уран бүтээлээ туурвиж эхэлснээс хойш гарч буй хоёр дахь бүтэн цомог юм.

Сэтгүүлд зориулж авахуулсан зурагнууд ихэнх нь түүний бие галбирыг тодотгосон, илүү эмэгтэйлэг, эрхэмсэг харагдуулж байна. Мөн ихэнх нь биеийн хэсгүүдийг харамгүй ил харагдуулах загварын корсет, дотуур хувцаснууд байгаа нь түүний удахгүй нээлтээ хийх цомгийн сэдэв эмэгтэйчүүдийн эрхийн асуудлыг чамгүй хөндөхтэй холбоотой гэнэ.