Испани эмэгтэйчүүд сарын тэмдгийн үеэр гурван өдөр чөлөө авах боломжтой болно

Испани улсад сарын тэмдгийн мөчлөг нь эхэлсэн эмэгтэйчүүдэд 3 өдөр хүртэл чөлөө авах боломжтой болно. Үүнийг санаачилсан хуулийн төслийг ирэх долоо хоногт тус улсын Парламент батлах төлөвтэй байгаа аж. Ингэснээр Испани энэхүү төрлийн чөлөө олгодог анхны Европын орон болох юм.

Япон, Өмнөд Солонгос, Индонез, Замби гэх мэт улсуудад сарын тэмдгийн мөчлөгүүдийн чөлөө өгдөг байна. Испанийн эмэгтэйчүүд болон эх барихын нийгэмлэгээс явуулсан судалгаагаар гурван эмэгтэй тутмын нэг нь дисменорея буюу сарын мөчлөгийн гажуудлаар шаналдаг аж. Үүний улмаас мөчлөгийн үед өвдөлт өгч, гүйлгэх, толгой өвдөх, халуурах гэх мэт зовууриуд илэрдэг байна. Одоогийн байдлаар яагаад зарим эмэгтэйчүүдэд сарын мөчлөг илүү өвдөлттэй байдаг нь тодорхойгүй байгаа аж. “Bloody Good Period”сангаас явуулсан судалгаагаар эмэгтэйчүүдийн 73 хувь нь сарын мөчлөгийн үед ажиллахад хүндрэлтэй байдаг гэсэн үр дүн гарчээ.

Эх сурвалж: Unilad

Б.БУЯНДОРЖ