Хорих ангийн дарга нь согтуурсан үедээ албан хаагчаа буу тулган зоджээ

Төв аймгийн Мөнгөнморьт дахь хорих 419 дүгээр ангийн дарга асан ээлжинд гарч байсан албан хаагчид буу тулган зодож, хий буудан заналхийсэн гэх хэрэг өнгөрөгч долоо хоногт гарчээ.

Эл хэрэг гарах үеэр ангийн дарга ээлжийн амралттай байсан гэх бөгөөд архидан согтуурсан үедээ дээрх хэргийг үйлдсэн байна. Хэргийг Төв аймгийн Цагдаагийн хэлтэст шалгаж байгаа бөгөөд одоогоор танхайрсан этгээдийг үүрэгт ажлаас нь чөлөөлжээ.