ЗУРХАЙ: Үс засуулбал эрхтэн хурц болно
2023.5.1, ДАВАА ГАРАГ / БИЛГИЙН ТООЛЛЫН: 11
ХАВРЫН АДАГ УЛААН ЛУУ САР ГУРВАН ХӨХ МЭНГЭТЭЙ ШАРАГЧИН ХОНЬ ӨДӨР
- Аргын тооллын: 2023.5.1, Даваа гараг
- Наран ургах шингэх: 05.35-20.04
- Үс засуулбал: Эрхтэн хурц болно
- Барилдлага: Үхэх
- Шүтэн барилдлага: Хуран үйлдэхүй
Тухайн өдөр нохой, хонь жилтнээ аливаа үйлийг хийхэд эерэг сайн. Өдрийн сайн цаг нь бар, туулай, могой, бич, нохой, гахай болой. Эл өдөр амь таслах, хор найруулах үйлнээ зэрэгчлэн бүтнэ, үсэг зурхайд суралцах, бэрийн болон буяны үйл, дайсныг дарахад сайн. Зүүн нүд татвал үзэсгэлэн болох, баруун нүд татвал үйл өчүүхэн бүтэх, баруун чих хангинавал гоо болох, зүүн чих хангинавал сайн. Нохой уливал хааны хэрэг болох, хэрээ дуугарвал өөрийн цусыг үзэх, тагнай загатнавал гэрт үзэсгэлэн болох, бүх бие татвал эд алдах, хөлийн мах татвал сайн гэдэг.
