БНСУ-д бүх нийтийн ажил хаялт зарлалаа
Солонгосын үйлдвэрчний эвлэлийн холбоо, Солонгосын хамгийн том хөдөлмөрийн бүлэг БНСУ-ын Ерөнхийлөгч Юн Сук Ёолын засгийн газрын хөдөлмөрийн бодлогыг эсэргүүцэн өнөөдрөөс эхлэн хоёр долоо хоног үргэлжилсэн бүх нийтийн ажил хаялт зарлаж байгааг Korea Times сайтад мэдээллээ .
KCTU-ийн дарга Ян Кён Сү ерөнхийлөгчийн Тамгын газрын өмнө болсон хэвлэлийн бага хурал дээр “Юн Сук Ёолын засгийн газрыг огцруул” гэсэн уриан дор жагсаал эхэлснээ зарлав. Долдугаар сарын 15-ныг дуустал үргэлжлэх ажил хаялт нь Юн Сук Ёолын засгийн газрыг огцруулахыг уриалж буй олон нийтийн дэмжлэгийг нэмэгдүүлэх, хөдөлмөрийн хөлсний доод хэмжээг нэмэгдүүлэхийг шаардаж, засгийн газрын хөдөлмөрийн шинэчлэлийг зогсоох зорилготой аж.
Мөн эвдэрсэн Фүкүшимагийн атомын цахилгаан станцын бохирдсон усыг гаргах Японы төлөвлөгөөг зогсоож, цуглаан, жагсаал цуглаан хийх эрх чөлөөг баталгаажуулах тухай хэлэлцэх асуудлын жагсаалтад багтжээ.
Үйлдвэрчний эвлэлийнхэн 1.2 сая гишүүдийнхээ 400 гаруй мянган нь ажил хаялтад нэгдэнэ гэж тооцоолж байгаа гэнэ. KCTU-ийн мэдээлснээр, Хьюндай Мотор компанийн үйлдвэрчний эвлэл Солонгосын металлын ажилчдын үйлдвэрчний эвлэлийн хамт долдугаар сарын 12-нд ажил хаялт зарлана. Илгээмжийн үйлчилгээний ажилчдын үйлдвэрчний эвлэлийнхэн даваа гарагт ажил хаяхаар болжээ. Эмнэлгийн ажилчдын үйлдвэрчний эвлэлийн холбооноос долдугаар сарын 13-наас эхлэн хугацаагүй бүх нийтийн ажил хаялт зарлана.
Хоёр долоо хоног үргэлжилсэн ажил хаялтын үеэр оройн цагаар лаатай жагсаалыг орон даяар зохион байгуулахаар төлөвлөжээ.
KCTU-ийн дарга “Засгийн газрыг ард түмний амьжиргаа, ардчилал, хөдөлмөрийн салбарыг сүйрүүлсэн” гэж буруутган “Бид засгийн газарт улс орныг сүйрүүлэхийг зөвшөөрч болохгүй учраас бүх нийтийн ажил хаялт зарлаж байна. Хөдөлмөрийн шинэчлэлийг зогсоох шаардлагатай. Бид засгийн газрын эсрэг бүх талаар тэмцэж байгаа бөгөөд уг ажил хаялт нь эхний алхам” гэж мэдэгджээ.
Эх сурвалж: Korea Times
