Цэцэрлэгийн бүртгэлийг есдүгээр сард үргэлжлүүлэхээр болжээ

Нийслэлийн цэцэрлэгт хамрагдах хүүхдүүдийн хүсэлтийг 2023 оны наймдугаар сарын 1-20-ны өдрийг дуустал “E-MONGOLIA” системээр дамжуулан хүлээн авч буй.

2023-2024 оны хичээлийн жилийн цэцэрлэгийн бүртгэлд 2018-2021 онд төрсөн хүүхдүүд хамрагдах юм.

Цэцэрлэгийн бүртгэлийг есдүгээр сард үргэлжлүүлэхээр болсныг Нийслэлийн Боловсролын Газраас мэдэгдлээ.

Тодруулбал, 2023 оны есдүгээр сарын 11-20-нд хоёр дахь шатны бүртгэл үргэлжлэх юм байна.

Төрийн өмчийн болон хамран сургах тойрог тогтоолгосон зарим төрийн бус өмчийн цэцэрлэгийн элсэлтийн хуваарилалтыг хүчин чадалд нь тулгуурлан наймдугаар сарын 23-25, есдүгээр сарын 20-22-нд зохион байгуулахаар болжээ.

Эцэг эх, асран хамгаалагчид аль үе шатанд бүртгэл, элсэлтийг хийлгэснээс шалтгаалан 2023 оны есдүгээр сарын 1, 22-ны өдрүүдээс хойш хуваарилагдсан цэцэрлэг дээр очиж гэрээ байгуулах аж.