Аргал оруулахаар гараад сураггүй болсон 15 настай хүүг эсэн мэнд олжээ
Цагдаагийн байгууллагад энэ оны дөрөвдүгээр сарын 01-ний өдрийн 17 цагийн үед Булган аймгийн Бүрэгхангай сумын иргэнээс “15 настай, эрэгтэй хүүхэд өглөө 10 цагийн үед гэрээсээ гараад сураггүй байна” гэх мэдээлэл ирсэн байдаг.
Тухайн дуудлага, мэдээллийн дагуу, эрэн хайх ажлыг шуурхай зохион байгуулж, 54 хүний бүрэлдэхүүнтэй 7 автомашинтай эрлийн баг ажиллаж, алга болсон хүүхдийг гэрээс нь хойш 15км газарт байрлах айлд байсныг олж тогтоосон байна.
Хүүхдийг эсэн мэнд олж, ар гэрт нь хүлээлгэн өгөхөөр ажиллаж байна.
