ЭМЯ: 15 хүн коронавируст халдварын хүндрэлээр нас барлаа
Улсын хэмжээнд 10 мянга гаруй хүнд шинжилгээ хийхэд 1811 хүн халдвар авсан нь батлагдлаа. Үүнээс 1806 нь дотоодын халдвар, 5 нь эрүүл мэндийн ажилтан албан үүргээ гүйцэтгэж байхдаа халдвар авсан байна.
Сүүлийн 24 цагт 834 хүн эдгэрснээс 260 нь гэртээ эмчлэгдэж эрүүл болжээ. Улсын хэмжээнд 14189 хүн эмнэлэгт хэвтэж эмчлүүлж байгаагаас 264 нь хүн маш хүнд байна. Сүүлийн 24 цагт 38-83 насны 15 хүн нас барж, нас барсан хүний тоо 533 боллоо хэмээн ЭМЯ-наас мэдээлэв.
