Шинэ он гарсаар манай улс 250 мянга орчим жуулчин хүлээн авчээ

Манай улсад энэ оны нэгдүгээр сарын 1-нээс эхлэн зургаадугаар сарын 27-ныг хүртэл 240,842 жуулчин иржээ. Үүнээс хамгийн их буюу 115 мянган жуулчин ОХУ-аас ирсэн бол түүний дараа БНХАУ, БНСУ, Казахстан зэрэг улсаас жуулчид Монголыг зорин иржээ.

Монгол Улсын Засгийн газраас аялал жуулчлалын салбарыг эдийн засгийн тэргүүлэх эгнээнд авч үзэн 2023-2025 оныг “Монголд зочлох жил”-ээр зарлаад байна. Энэ хүрээнд 2023 онд нийт нэг сая жуулчин хүлээн авах зорилт тавин ажиллаж буй юм.